Zviceranët jashtë vendit

Më shumë se 800 000 zviceranë jetojnë jashtë vendit. Ata quhen zviceranët jashtë vendit ose «Zvicra e Pestë». Ata e ruajnë shtetësinë dhe të drejtat e tyre politike. Ata mund të marrin pjesë në votimet dhe zgjedhjet kombëtare, edhe nëse prej shumë vitesh nuk jetojnë më në Zvicër.

Për këtë ata regjistrohen në përfaqësinë zvicerane në vendin ku banojnë, pra në ambasadë ose në konsullatë. Pastaj futen në regjistrin e votuesve të një komune zvicerane. Materialet e votimit u vijnë me postë jashtë vendit. I plotëson dhe ia kthen komunës. Në disa kantone është i mundur edhe e-voting, pra votimi elektronik.

Për këtë askush nuk duhet të udhëtojë në Zvicër. Zviceranët jashtë vendit mund të angazhohen politikisht edhe në vendin ku banojnë, për aq sa e lejon ligji atje. Nëse mund të marrin pjesë edhe në votimet kantonale, këtë e vendos vetë çdo kanton. Zviceranët jashtë vendit mund të nënshkruajnë edhe nisma popullore dhe referendume.