Edukimi i fëmijëve dhe modeli i afatit

Edukimi i fëmijëve është mbi të gjitha detyrë e prindërve. Ata u sigurojnë fëmijëve kujdes, arsim dhe mbrojtje. Shkolla dhe shteti i mbështesin prindërit, por nuk i zëvendësojnë. Vetëm kur mirëqenia e një fëmije është në rrezik, ndërhyn një autoritet: autoriteti për mbrojtjen e fëmijëve dhe të rriturve (KESB).

Që nga viti 2002, për ndërprerjen e shtatzënisë vlen modeli i afatit (Fristenlösung). Populli e miratoi atë më 2 qershor 2002. Në 12 javët e para të shtatzënisë, gruaja vendos vetë nëse do ta mbajë fëmijën. Ajo duhet ta kërkojë ndërprerjen me shkrim dhe të shpjegojë se ndodhet në një situatë të vështirë. Më parë e këshillon një mjeke ose një mjek. Pëlqimi i bashkëshortit nuk nevojitet.

Si ta mbash mend: Modeli i afatit: afati (Frist) është 12 javë.