Banimi me qira

Shumica e njerëzve në Zvicër banojnë me qira. Kontrata e qirasë rregullon të drejtat dhe detyrimet e qiramarrësit dhe të qiradhënësit. Në të shkruhen, për shembull, qiraja, shpenzimet shtesë, afatet e njoftimit dhe rregullorja e shtëpisë. Kontrata nuk vendos si e mobilon banesën ose çfarë gatuan.

Banesa është private. Por qiradhënësi mund të hyjë në të, nëse ka një arsye të mirë. Shembuj janë riparimet, një vizitë për qiramarrës të rinj ose një shitje. Ai duhet ta njoftojë vizitën me kohë. Atëherë qiramarrësi duhet ta lërë të hyjë. Persona të tjerë, si punëdhënësi ose postierja, nuk e kanë këtë të drejtë.

Për problemet me qiradhënësin ndihmon Shoqata e Qiramarrësve (Mieterinnen- und Mieterverband). Ajo është një grup interesi: i këshillon anëtarët e saj dhe angazhohet politikisht për qiramarrësit. Në rast mosmarrëveshjeje, mund t'i drejtohesh autoritetit të pajtimit për çështjet e qirasë. Ai është falas dhe nuk është pjesë e shoqatës.