Tatimet, regjistrimi, sigurimi shëndetësor

Kush banon në Zvicër, nuk ka vetëm të drejta, por edhe detyrime. Ato vlejnë për të gjithë banorët, me ose pa pasaportë zvicerane. Tri detyrime të rëndësishme janë: të paguash tatimet, të regjistrohesh në komunë dhe të kesh sigurim shëndetësor. Përveç kësaj, të gjithë duhet t'i respektojnë ligjet.

Kush shpërngulet ose vjen për herë të parë në Zvicër, duhet të regjistrohet në komunë. Këtë e bën në zyrën e regjistrimit të banorëve, zakonisht brenda 14 ditëve. Kush largohet, çregjistrohet. Kush ka të ardhura ose pasuri, duhet të paguajë tatime. Tatimet shkojnë te Konfederata, kantoni dhe komuna. Për shumë të huaj, tatimi zbritet drejtpërdrejt nga paga.

Të gjithë personat me vendbanim në Zvicër duhet të jenë të siguruar te një kompani e sigurimit shëndetësor. Kush vjen rishtas, duhet ta bëjë sigurimin brenda tre muajve. Përkundrazi, nuk janë detyrim: llogaria bankare, telefoni, patenta e shoferit, abonimi gjysmë çmimi (Halbtax), sigurimi kundër vjedhjes ose anëtarësimi në një kishë. Por fëmijët duhet të ndjekin shkollën e detyrueshme.