Street Parade, Theater Spektakel, Weltklasse

Street Parade është një festë e madhe e muzikës techno në Cyrih. Ajo u mbajt për herë të parë në vitin 1992 dhe është shumë e njohur edhe jashtë vendit. Çdo verë qindra mijëra njerëz vallëzojnë rreth pellgut të liqenit. Street Parade simbolizon dashurinë, paqen, lirinë, bujarinë dhe tolerancën. Muzika e saj është elektronike, jo muzikë popullore.

Zürcher Theater Spektakel mbahet çdo vit në gusht në livadhin Landiwiese, buzë Liqenit të Cyrihut. Aty grupe nga e gjithë bota shfaqin teatër, vallëzim dhe muzikë. Një festë tjetër e madhe është Albanifest në Winterthur, me rreth 100 000 vizitorë. Në shumë komuna ka gjithashtu një «Chilbi» me tezga feste dhe karusele.

Weltklasse Zürich është një miting i njohur i atletikës së lehtë në stadiumin Letzigrund. Aty garojnë sportistet dhe sportistët më të mirë të botës. Ngjarje të tjera sportive mbahen gjetiu: maratona e skijimit Engadiner Skimarathon në kantonin Graubünden, Swiss Indoors (tenis) në Bazel, Schweizer Frauenlauf në Bernë.